Grimaldo «Barselona»ga qaytishi mumkin
Futbolchining "Bayer" bilan amaldagi shartnomasi 2027 yil yozigacha mo'ljallangan.
ФОТО: Getty images
"Bayer" klubi futbolchisi Alejandro Grimaldo "Barselona"ga qaytishi mumkin. Bu haqda jurnalist Alfredo Martinez xabar berdi.
Manbada aytilishicha, "ko'k-anorranglilar" sport direktori Deku chap qanot himoyasini kuchaytirish ustida ish olib bormoqda.
30 yoshli ispaniyalik futbolchi esa asosiy variantlardan biri sifatida ko'rilmoqda.
"Dorishunoslar" vakilining shartnomasida 20 million yevrolik tovon puli ko'rsatilgan.
Ma'lumot uchun, Alejandro faoliyati boshida "Barselona"ning ikkinchi jamoasida to'p tepgan, ammo asosiy tarkibda maydonga tushmagan. Futbolchining "Bayer" bilan amaldagi shartnomasi 2027 yil yozigacha mo'ljallangan.
Roziqjon Sultonmurodov
Jurnalist