Griezmann to‘liq ravishda «Orlando Siti» bilan kelishuvga erishdi — Romano
Fransiyalik futbolchi 'Atletiko'ni tark etmoqda.
ФОТО: Getty images
“Atletiko” hujumchisi Antuan Griezmann faoliyatini okean ortida davom ettiradi.
Jurnalist Fabrizio Romano X ijtimoiy tarmog‘ida ma’lum qilishicha, fransiyalik futbolchi “Orlando City”ga o‘tishi deyarli hal bo‘lgan.
MLS vakillari Antuanni mart oyidayoq o‘z safiga qo‘shib olishni rejalashtirgan, biroq futbolchi mavsum yakuniga qadar “Atletiko”da qolishga qaror qilgandi.
So‘nggi ma’lumotlarga ko‘ra, yangi shartnoma ikki yilga mo‘ljallangan bo‘lib, 2026 yil yozidan kuchga kiradi. Yaqin vaqt ichida Griezmann AQShga yo‘l olib, barcha rasmiy jarayonlarni yakunlashi va kelishuvning so‘nggi tafsilotlarini kelishib olishi kutilmoqda.
Roziqjon Sultonmurodov
Jurnalist