Griezmann MLS yoʻl olishi mumkin. Unga asosiy daʼvogar klub nomi maʼlum boʻldi

Futbol 10 may 2025 da 11:55

Roziqjon Sultonmurodov

Jurnalist

Madridning “Atletiko” klubi hujumchisi Antoine Griezmann faoliyatini okean ortida davom ettirishi mumkin. Bu haqda Todofichajes xabar berdi.

Qayd etilishicha, fransiyalik 34 yoshli futbolchiga MLS klubi jiddiy qiziqish bildirmoqda. Xususan, "Los-Anjeles" Griezmann uchun asosiy daʼvogar hisoblanmoqda. Ushbu klubda Griezmannning sobiq jamoadoshlari, darvozabon Hugo Lloris va hujumchi Olivier Giroud ham toʻp surmoqda.

Griezmannning "matraschilar" bilan amaldagi shartnomasi 2026 yil iyun oyining oxirida yakuniga yetadi. Transfermarkt portali fransuzning bozor narxini 22 million yevroga baholamoqda.

Antoine joriy mavsum La Ligada 34 ta oʻyinda maydonga tushib, 8 ta gol urdi va 6 ta golli uzatmani amalga oshirdi.

Aloqador jamoalar va ligalar

Los Angeles FC

Atletico Madrid