Gomez qishda jamoasini almashtirishi mumkin
Futbolchiga Italiya klubi da'vogarlik qilmoqda.
ФОТО: Getty images
“Liverpul” himoyachisi Jo Gomez qishki transfer oynasida klubni tark etishi mumkin. Bu haqda The Athletic xabar berdi.
Manbaga ko'ra, mersisaydliklar qishda yangi markaziy himoyachi bilan shartnoma imzolasa, Gomezni ketishiga hech kim to'sqinlik qilmaydi.
Angliyalik 28 yoshli futbolchiga “Milan” jamoasi qiziqish bildirmoqda. Milanliklar yozda ham taklif bilan chiqqan, biroq kelisha olishmagandi.
Qayd etilishicha, “qizillar” Gomez uchun 10–15 million yevro atrofida pul talab qilmoqda. Ammo bu faqat klub yangi himoyachi bilan kelishuvga erishsa amalga oshishi mumkin.
Roziqjon Sultonmurodov
Jurnalist
