Gnabri: «Hozircha hammasi ikki tomon uchun ham ijobiy kechmoqda»

«Bavariya» hujumchisi Serj Gnabri klub bilan olib borayotgan muzokaralari haqida gapirdi. Avvalroq myunxenliklar unga 2028 yilgacha mo‘ljallangan yangi shartnoma taklif qilmoqchi ekani, biroq futbolchining maoshi kamaytirilishi mumkinligi haqida xabarlar chiqqandi.

«Vaziyat juda sokin. Biz muzokaralarni davom ettiryapmiz. Nima bo‘lishini ko‘ramiz. Hozircha hammasi ikki tomon uchun ham ijobiy kechmoqda, barcha hammasidan mamnun», — deydi Gnabri.

Gnabri «Bavariya»ga 2017 yil yozida, «Verder»dan o‘tib kelgan. 2022 yil iyulida u shartnomasini uzaytirgan va bitim 2026 yilning yozigacha amal qiladi. Joriy mavsumda nemis forvardi 18 ta rasmiy o‘yinda 4 ta gol urib, 5 ta golli uzatma bergan.

Nasrullo Karimov

Jurnalist