Glesner «Bayer»ni boshqarish uchun asosiy nomzod
"Kristal Pelas" bosh murabbiyi Oliver Glesner "Bayer"ni boshqarishi mumkin. Bu haqda BILD nashri xabar bermoqda.
Avstriyalik mutaxassis "dorishunoslar"ning bosh murabbiylik lavozimi uchun asosiy nomzod hisoblanadi.
Xabarga ko'ra, Glesnerning agenti va "Bayer" rahbariyati o'rtasida shartnomaning asosiy shartlari bo'yicha muzokaralar ancha oldinga siljigan.
Shu bilan birga, bir necha yil avval Leverkuzen klubi rahbarlari avstriyalik bilan bog'langan, biroq o'shanda uning "Bayer" bosh murabbiyi lavozimiga tayinlanishi amalga oshmaganligi qayd etilgan.
Manbaning ma'lumotiga ko'ra, Glesnerga "Bayer" tarkibi, loyihaning aniq maqsadi va yozda transferlarga 100 million yevro sarflash imkoniyati yoqmoqda.
Yanvar oyida Glesner 2025/26 yilgi mavsum yakunida "Kristal Pelas"ni tark etishini ma'lum qilgan. "Bayer" nomzodlari ro'yxatida ikkinchi o'rinda "Bornmut" bosh murabbiyi Andoni Iraola bormoqda.
