Glasner «Milan»ni boshqarish uchun asosiy da'vogar (Romano)
«Milan» yangi bosh murabbiy izlashni davom ettirmoqda va yaqinda Oliver Glasner bilan muzokaralar o‘tkazadi.
Fabrizio Romanoning ma’lumotiga ko‘ra, avstriyalik mutaxassisning Italiya klubi rahbariyati bilan uchrashuvi kelasi hafta boshiga, katta ehtimol bilan seshanba kuniga rejalashtirilgan. Klubda yangi murabbiy nomzodi bo‘yicha allaqachon faol muhokamalar ketmoqda.
Avvalroq Andoni Iraolaga qiziqish bildirilgani haqida xabar berilgan edi, biroq so‘nggi ma’lumotlarga ko‘ra, ispaniyalik murabbiy bilan muzokaralar oldinga siljimagan. Ta’kidlanishicha, u «Liverpul»dan ehtimoliy taklifni kutgan va bu muzokaralar jarayoniga ta’sir qilgan.
Shunday qilib, Glasner ayni damda «Milan»ga tayinlanish uchun asosiy variantlardan biri sifatida ko‘rib chiqilmoqda.
