Germaniya terma jamoasi 600 nafar muxlisning yoʻl xarajatlarini qoplab beradi
Germaniya terma jamoasi Jahon chempionati guruh bosqichining Ekvadorga qarshi kechadigan yakuniy uchrashuvi uchun 600 nafar muxlisning yoʻl xarajatlarini qoplab berishga qaror qildi.
Qayd etilishicha, AQSh'dagi «MetLife» stadioniga muxlislarni olib borish uchun 8 ta maxsus avtobus ajratiladi.
Nemis futbol ittifoqi (DFB) rahbari Andreas Rettigning maʼlum qilishicha, tashabbus terma jamoa ichida paydo boʻlgan. Jarayonda sardor Joshua Kimmix ham faol ishtirok etgan.
«Kimmix pul masalasi bu yerda ahamiyatga ega boʻlmasligi kerakligini aytdi. Xarajatlarning katta qismini futbolchilarning oʻzlari qoplashdi», dedi Rettig.
Maʼlumot uchun, Germaniya va Ekvador oʻrtasidagi uchrashuv 26-iyunga oʻtar kechasi Toshkent vaqti bilan soat 01:00 da start oladi.
