Germaniya futbol ittifoqi Infantinoni qayta saylanishida qo‘llab-quvvatlamadi
Germaniya futbol ittifoqi (DFB) FIFA prezidenti Janni Infantinoning navbatdagi muddatga qayta saylanishini qo‘llab-quvvatlashdan bosh tortdi. Bu haqda Bild nashri xabar berdi.
Ma'lumotlarga ko‘ra, DFB Infantino nomzodini qo‘llab-quvvatlovchi rasmiy xatni imzolamagan. Germaniya futbol ittifoqi prezidenti Bernd Noyendorf bu qarorga, jumladan, AQSH terma jamoasi hujumchisi Folarin Balogun bilan bog‘liq bahsli voqealar sabab bo‘lganini bildirgan.
Eslatib o‘tamiz, JCh-2026 davomida Balogunning diskvalifikatsiyasi vaqtincha bekor qilingach, u Belgiya terma jamoasiga qarshi 1/8 final uchrashuvida maydonga tushgandi. Aynan ushbu qaror FIFA va Infantino faoliyatiga nisbatan keskin tanqidlarga sabab bo‘ldi.
Qayd etilishicha, FIFA prezidentligi uchun navbatdagi saylov 18-noyabr kuni Marokashning Rabot shahrida bo‘lib o‘tadi. Nomzodlarni ko‘rsatish jarayoni esa 18-noyabrgacha davom etadi. Amaldagi prezident Janni Infantino yana bir muddatga o‘z nomzodini ilgari surishni rejalashtirmoqda.
