Gehi «Man Siti»da tibbiy koʻrikdan muvaffaqiyatli oʻtdi
«Kristal Pelas» markaziy himoyachisi Mark Gehi «Manchester Siti»ga o‘tishga yana bir qadam tashladi. Futbolchi tibbiy ko‘rikning birinchi bosqichidan muvaffaqiyatli o‘tdi. Bu haqda insayder Fabritsio Romano xabar bermoqda.
Manbaga ko‘ra, klublar transfer shartlarini allaqachon kelishib olgan. Bitimning umumiy qiymati bonuslarni hisobga olgan holda 20 mln funt sterlingni tashkil etadi.
Mark Gehi «Chelsi» tarbiyalanuvchisi hisoblanadi. U «Kristal Pelas» safiga 2021 yil yozida 23 mln yevro evaziga qo‘shilgan. Himoyachining londonliklar bilan amaldagi shartnomasi 2026 yil 30 iyungacha mo‘ljallangan. Transfermarkt portali futbolchining bozor qiymatini 55 mln yevro deb baholamoqda.
Joriy mavsumda Gehi «Kristal Pelas» safida 33 ta o‘yinda maydonga tushib, uchta gol va uchta golli uzatmaga mualliflik qilgan.
