Gavi tizzasidan olgan jarohati tufayli 6 haftagacha o‘ynay olmasligi mumkin
Gavi tizzasidan olgan jarohati sababli olti haftagacha safdan chiqishi mumkin. Bu haqida Marca xabar berdi.
"Barselona" yarim himoyachisi o‘ng tizzasida og‘riq sezayotgani ma’lum bo‘lgandi. U La Liga doirasida "Rayo Valyekano"ga qarshi o‘yinni o‘tkazib yubordi, shuningdek, Ispaniya terma jamoasi o‘yinlarida ham ishtirok etmadi.
Manbaga ko‘ra, Gavi konservativ davolanmoqda va olti haftagacha maydondan chetda qolishi mumkin. Operatsiya qilinishi varianti ham istisno etilmaydi. Kelasi hafta so‘nggi kunlardagi dinamikani baholash uchun yangi tibbiy yig‘ilish bo‘lib o‘tadi.
Qayd etilishicha, bu eski jarohatning takrorlanishi emas, balki yangi shikastlanish – og‘riq manbai o‘ng tizzaning boshqa zonasida joylashgan.
Gavi joriy mavsum Ispaniya chempionatida 2 ta o‘yinda maydonga tushdi va 1 ta golli uzatmani amalga oshirdi.
