«Galatasaroy» Ederson transferi uchun 3 mln yevro taklif qildi
Photo: Getty Images
"Galatasaroy" klubi "Manchester Siti" darvozaboni Edersonni xarid qilish uchun "shaharliklar"ga rasmiy taklif yubordi.
Fanatic nashrining xabariga ko'ra, turkiyaliklar 31 yoshli braziliyalik posbonni o'z safida ko'rishni istamoqda. "Galatasaroy" "Siti"ga Edersonni o'z safiga qo'shib olish uchun 3 million yevrolik dastlabki taklifni yubordi.
Braziliyalik posbon Edersonni "Siti" 2017 yilda "Benfika"dan 40 million yevro evaziga sotib olgan edi. Uning klub bilan amaldagi shartnomasi 2026 yil yozida o'z nihoyasiga yetadi.
Ma'lumot uchun, Ederson "shaharliklar" safida jami 372 o'yinda maydonga tushib, 168 marta darvozasini daxlsiz saqlab qolgan.
Bahrom Bobonov
Redaktor
