«Galatasaray» Ugarteni ijaraga olmoqchi
Uning "Manchester United" bilan shartnomasi 2029 yilning iyunida yakuniga yetadi.
ФОТО: Getty images
"Manchester United" tayanch yarim himoyachisi Manuel Ugarte qishki transferlar davrida jamoani tark etmoqchi. Bu haqda jurnalist Erol Evsan xabar bermoqda.
Manbaga ko'ra, "Galatasaray" klubi 24 yoshli urugvaylik futbolchiga jiddiy qiziqmoqda. Turk klubi uni ijaraga olishga harakat qiladi. Futbolchi "qizil iblislar"dagi holatidan mamnun emas.
Ugarte joriy mavsumda APL doirasida 10 ta o'yinda maydonga tushib, birorta ham samarali harakat qilgani yo'q. Uning "Manchester United" bilan shartnomasi 2029 yilning iyunida yakuniga yetadi. Transfermarkt portali futbolchining narxini 35 mln yevroga baholamoqda.
Roziqjon Sultonmurodov
Jurnalist