«Galatasaray» Trossardni o‘z safiga qo‘shib olmoqchi
Photo: Getty Images
“Arsenal” klubi vingeri Leandro Trossard faoliyatini “Galatasaray”da davom ettirishi mumkin. Bu haqda Transfer News Live xabar berdi.
Manbaga ko‘ra, belgiya futbolchisining kelajagi hanuz mavhum – uning "kanonirlar" bilan amaldagi shartnomasi kelasi yozda yakuniga yetadi.
Turkiya klubi hujumdagi muammolarini 30 yoshli Trossardni xarid qilish orqali hal qilmoqchi.
O‘tgan oyda Leandro Trossarga Turkiyaning yana bir klubi – "Fenerbahche" ham qiziqish bildirayotgandi.
Shuningdek, "Napoli", "Atalanta" va Dortmundning "Borussiya" klublari ham da’vogarlar safida tilga olindi. Transfermarkt talqiniga ko‘ra, futbolchining narxi 22 mln yevroga teng.
Bahrom Bobonov
Redaktor
