G'alaba talab qilindi: BAA rasmiylaridan biri futbolchilar bilan O'zbekistonga qarshi o'yin oldidan uchrashdi
BAA terma jamoasi Abu-Dabidagi Muhammad ibn Zoid stadionida mashg'ulotlarni davom ettirmoqda. Jamoa 5 iyun kuni bo'lib o'tadigan O'zbekistonga qarshi uchrashuvga puxta tayyorgarlik ko'rmoqda.
BAA Futbol assotsiatsiyasi prezidenti shayx Hamdon ibn Muborak terma jamoa mashg'ulotiga tashrif buyurib, futbolchilar va murabbiylar shtabi bilan suhbatlashdi. U jamoaga ishonch bildirib, ularni har tomonlama qo'llab-quvvatlashini ta'kidladi.
Shayx Muborak terma jamoadan faqat g'alaba kutilayotganini alohida urg'u berdi. Uning so'zlariga ko'ra, futbolchilar qolgan ikki o'yinda ham zafar quchib, Jahon chempionati yo'llanmasini qo'lga kiritishlari shart.
Ta'kidlash joiz, futbol rasmiylarining terma jamoa mashg'ulotlariga borishi kamdan-kam uchraydi. Ko'plab mutaxassislar bunday tashriflar futbolchilarning diqqatini jamlashiga halaqit berishi mumkinligini aytib o'tadi.
