Gakpo «Liverpul»dagi kelajagi borasida qaror qabul qildi

“Liverpul” hujumchisi Kodi Gakpo katta ehtimol bilan jamoani tark etmaydi. Bu haqda Indykaila News xabar berdi.

Manbaga ko‘ra, Arne Slot iste’fosidan keyin futbolchi klubni tark etmoqchi ekani haqidagi mish-mishlar haqiqatga to‘g‘ri kelmaydi. Manbada aytilishicha, niderlandiyalik futbolchi jamoada o‘z o‘rnidan mamnun va yangi bosh murabbiy tayinlanishini kutmoqda.

Futbolchining mersisaydliklar bilan amal qilayotgan shartnomasi 2030 yil 30 iyungacha mo‘ljallangan. U 2025/26 yilgi mavsumda barcha musobaqalarda 52 ta bahsda maydonga tushib, 9 ta gol va 6 ta golli uzatmaga mualliflik qilgan.

Ma’lumot uchun, Transfermarkt portali hujumchining transfer qiymatini 60 million yevroga baholamoqda.

Roziqjon Sultonmurodov

Jurnalist