Gabriel Martinelli “Al-Hilol”ga o‘tishga yaqin
“Arsenal” vingeri Gabriel Martinelli faoliyatini Saudiya Arabistonining “Al-Hilol” klubida davom ettirishi mumkin. Tomonlar o‘rtasidagi muzokaralar yakuniy bosqichga kirgan va transfer tez orada amalga oshishi kutilmoqda.
Kelishuv qiymati 60 million yevro atrofida bo‘lishi kutilmoqda. Braziliyalik futbolchi “Al-Hilol” bilan 2030-yilgacha mo‘ljallangan shartnoma imzolashi va yiliga 20 million yevro maosh olishi mumkin.
Hozircha transfer rasman e’lon qilinmagan, biroq muzokaralarda ishtirok etayotgan barcha tomonlar kelishuv yakunlanishiga ishonch bildirmoqda. Martinellining “Arsenal”dan ketishi London klubining transfer rejalariga ham ta’sir qilishi mumkin.
Ma’lumot uchun, 25 yoshli Martinelli o‘tgan mavsum barcha musobaqalarda 53 ta uchrashuvda 11 ta gol urib, 7 ta golli uzatma amalga oshirgan.
