Gabriel Martinelli “Al-Hilol”ga o‘tishga rozilik berdi

“Arsenal” vingeri Gabriel Martinelli Saudiya Arabistonining “Al-Hilol” klubiga o‘tishga rozilik berdi. Bu haqda insayder Fabrizio Romano ma’lum qildi.

Manbaga ko‘ra, “Arsenal” va “Al-Hilol” o‘rtasidagi muzokaralar yakuniy bosqichga kirgan. Transferning umumiy qiymati 65 million yevrodan oshishi kutilmoqda. Ayni paytda tomonlar kelishuvning so‘nggi tafsilotlarini muhokama qilmoqda.

25 yoshli braziliyalik futbolchining yaqin vaqt ichida tibbiy ko‘rikdan o‘tishi rejalashtirilgan. Shundan so‘ng transfer rasman yakunlanishi mumkin.

Ma’lumot uchun, Martinelli 2019-yildan buyon “Arsenal” sharafini himoya qilib kelmoqda. Uning London klubi bilan amaldagi shartnomasi 2027-yil yozigacha mo‘ljallangan.

Nasrullo Karimov

Jurnalist

0 0 0 0 0 0