Gabriel Magalyaesh Senegalga qarshi o'rtoqlik o'yinida jarohat oldi
Uchrashuvda Braziliya 2:0 hisobida gʻalaba qozondi.
FOTO: Getty Images
«Arsenal» va Braziliya milliy jamoasi markaziy himoyachisi Gabriel Magalyaesh Senegalga qarshi o‘rtoqlik uchrashuvida (2:0) jarohat oldi va 64-daqiqada maydonni tark etdi.
O‘yindan keyin Janubiy Amerika jamoasi bosh murabbiyi Karlo Anchelotti futbolchining ahvoli haqida gapirdi.
«Gabrielda jarohat bormi — bilmayman. U qovurg‘a mushagida noqulaylik sezgandek tuyuldi. Ertaga uni ko‘rikdan o‘tkazamiz. Bunday holat yuz berganidan juda afsusdamiz. Unga tezroq sog‘ayib ketishini tilayman», — deya Anchelottining so‘zlarini keltiradi ESPN.
Maʼlumot uchun, Magalyaesh joriy mavsum klub safida 17 ta o‘yinda maydonga tushib, 2 ta gol urdi va 3 ta golli uzatmani amalga oshirdi.
Nasrullo Karimov
Jurnalist