Gabriel Jezus Flikdan ko‘proq o‘yin vaqti so‘radi
“Barselona” hujumchisi Gabriel Jezus bosh murabbiy Hansi Flikdan unga ko‘proq o‘yin vaqti berishni so‘radi. Braziliyalik futbolchi imkoniyatlardan unumli foydalanayotganini hisobga olib, yaqin uchrashuvlardan birini asosiy tarkibda boshlashni istamoqda. Bu haqda Globo Esporte nashri xabar bermoqda.
Manbaga ko‘ra, Jezus “Rasing”ga qarshi 7:2 hisobida yakunlangan uchrashuvda zaxiradan maydonga tushib, yana gol urishga muvaffaq bo‘lgan. Hujumchining so‘nggi o‘yinlardagi samaradorligidan klub rahbariyati ham mamnun. Ayniqsa, uning transferini qo‘llab-quvvatlagan sport direktori Deku futbolchining tez moslashayotganidan qoniqish bildirgan.
Shu bilan birga, asosiy tarkibdan joy olish Jezus uchun oson bo‘lmaydi. Rafinya va Lamin Yamal hujum chizig‘ining muhim futbolchilari hisoblanadi, chap qanotda esa Karim Adeyemi hamda Entoni Gordon yuqori darajada o‘ynamoqda. Shunga qaramay, Jezus o‘ziga berilayotgan qisqa vaqt ichida natija ko‘rsatib, Flikning tanloviga jiddiy da’vogarlik qilmoqda.
Ma’lumot uchun, Gabriel Jezus “Barselona” safida hozirga qadar 3 ta uchrashuvda 37 daqiqa maydonda harakat qilib, 2 ta gol urgan. U Chempionlar ligasida “Feyenoord”ga, La Ligada esa “Rasing”ga qarshi raqib darvozasini ishg‘ol qilgan. Braziliyalik hujumchining o‘rtacha ko‘rsatkichi — taxminan har 18,5 daqiqada bitta gol.
