Futzal.Ertaga Jizzaxda Hududiy liga g‘oliblari Respublika turniri start oladi
So‘nggi yillarda mamlakatimiz futzalining muhim markazlaridan biriga aylanib borayotgan Jizzax shahri yana bir nufuzli musobaqaga mezbonlik qiladi. Hududiy liga g‘oliblari o‘rtasidagi Respublika turniri ertadan Jizzax viloyati Futbol akademiyasi sport zalida start oladi.
2026-yilgi musobaqada 14 jamoa bosh sovrin uchun kurash olib boradi. Bugun o‘tkazilgan qur’a natijalariga ko‘ra, ishtirokchilar to‘rtta guruhga bo‘lindi. “A” va “B” guruhlarida 4 tadan, “C” va “D” guruhlarida esa 3 tadan jamoa pley-off yo‘llanmasi uchun bahs yuritadi.
Musobaqa reglamentiga muvofiq, guruhlarda 1- va 2-o‘rinlarni egallagan jamoalar chorak final bosqichiga yo‘l oladi. Chorak finaldan boshlab turnir olimpiya tizimida davom ettiriladi.
Guruhlar tarkibi:
“A” guruhi: Jizzax FM (Jizzax), “Jaloyir” (Surxondaryo), “Chiroqchi” (Qashqadaryo), ADU (Andijon).
“B” guruhi: “Ezgu niyat” (Jizzax), “Xonqa” (Xorazm), “Zafar” (Farg‘ona), “Olimpik” (Toshkent viloyati).
“C” guruhi: TXO (Toshkent viloyati), “Navoiy Uran” (Navoiy), “Parma” (Toshkent).
“D” guruhi: “Dinamo U-18” (Samarqand), BuxDU (Buxoro), “Guliston-2” (Sirdaryo).
