Futzal. Rustam Umarov — «BMB PFC» murabbiylar shtabiga qo‘shildi
O‘zbekiston futzalining eng tajribali va yorqin namoyandalaridan biri, Osiyo chempionatlarida ishtirok etish bo‘yicha mutlaq rekord sohibi, milliy terma jamoamizning ko‘p yillik darvozaboni Rustam Umarov professional futzalchilik faoliyatini rasman yakunladi.
Endilikda u amaldagi O‘zbekiston chempioni va O‘zbekiston kubogi sohibi — “BMB PFC” murabbiylar shtabida faoliyat olib boradi. Rustam Umarov jamoada darvozabonlar tayyorgarligi uchun mas’ul murabbiy sifatida ish boshladi.
Faoliyati davomida Rustam Umarov zabt etmagan cho‘qqi deyarli qolmadi. U:
Ko‘p karra O‘zbekiston chempioni;
O‘zbekiston kubogi va Superkubogi sohibi;
Osiyo chempionatlarining ko‘p karra kumush va bronza medali sovrindori;
Qator nufuzli xalqaro musobaqalar g‘olibi bo’ldi.
