Futzal. O‘zbekiston milliy jamoasi o‘yinoldi mashg‘ulotini o‘tkazdi
VI Islom birdamlik o‘yinlariga tayyorgarlik ko‘rayotgan O‘zbekiston futzal terma jamoasi Toshkentdagi “Yunusobod” sport majmuasida Qozog‘iston terma jamoasiga qarshi bo‘lib o‘tadigan o‘rtoqlik uchrashuvi arafasida so‘nggi mashg‘ulotni o‘tkazdi.
Murabbiylar shtabi raqib jamoaning o‘yin uslubini chuqur tahlil qilgan holda, mashg‘ulot davomida futbolchilar bilan tanlangan taktika va kombinatsiyalar ustida alohida ish olib bordi. Mashg‘ulot yuqori tempda va ko‘tarinki ruhda o‘tdi — futzalchilarimiz yaxshi kayfiyatda, intizomli va professionallik bilan mashg‘ulotni bajardilar.
Eslatib o‘tamiz, milliy terma jamoamiz ertaga – 16-oktabr kuni soat 17:00 da “Yunusobod” sport majmuasida Qozog‘iston terma jamoasiga qarshi maydonga tushadi.
Barcha futzal ishqibozlarini terma jamoamizni qo‘llab quvvatlash uchun "Yunusobod" sport majmuasiga chorlab qolamiz.
Majmuaga kirish mutlaqo bepul.
