Futzal. Oliy liga 3-tur uchrashuvlariga Jizzax shahri mezbonlik qiladi
Uchrashuvlar 8-13-oktyabr kunlari bo'lib o'tadi.
photo: Futsal Uzbekistan
Mamlakat milliy chempionati – Oliy liga jamoalarining 3-tur uchrashuvlari shu yilning 8 – 13-oktyabr sanalarida Jizzax shahrida bo‘lib o‘tadi. Turga Jizzax viloyati futbol oliy mahorati maktabi sport zali mezbonlik qiladi.
Mazkur turda ham muxlislar deyarli har kuni biri-biridan qiziqarli va murosasiz uchrashuvlarning shohidi bo‘lishadi. Ayniqsa, chempionat peshqadamlari – BMB, SQB, OKMK, “Nasaf” jamoalarining o‘zaro o‘yinlari ishqibozlar diqqat markazida turishi aniq.
O‘z navbatida kurash musobaqa jadvalining quyi pog‘onalarida borayotgan jamoalar o‘rtasida ham shiddatli kechmoqda. Barcha jamoalar maydonga faqat g‘alaba ishtiyoqida chiqayotganligi o‘yin kunlarini bezab beryapti.
Ibrohim Jalolov
Redaktor