Futzal. Oliy liga 2-tur uchrashuvlariga Andijon mezbonlik qiladi
Mamlakat milliy chempionati – Oliy liga jamoalarining 2-tur uchrashuvlari shu yilning 28-sentyabr – 2-oktyabr sanalarida Andijon shahrida bo‘lib o‘tadi. Turga 2024-yilgi jahon chempionati munosabati bilan qurib foydalanishga topshirilgan zamonaviy “Universal” sport majmuasi mezbonlik qiladi.
Mazkur turda ham muxlislar deyarli har kuni bir qator qiziqarli uchrashuvlarning shohidi bo‘lishadi. Barcha jamoalar dastlabki tur bahslaridan tegishli xulosa chiqarishgan. Shu ma’noda hech bir juftlikda oson, o‘tkinchi o‘yin bo‘lmasligi aniq. Shunday ekan, Andijon shahrida bo‘lib o‘tadigan o‘yinlarni o‘tkazib yubormang.
O‘zbekiston futzal federatsiyasi 2-turning barcha o‘yinlarini o‘zining You Tube kanali orqali jonli tarzda namoyish etishni rejalashtirgan. Qolaversa, Telegram kanalimiz orqali ham jonli, matnli translyatsiya berib boriladi.
