Futzal. O’FF Prezidenti kubogi final bosqichi ishtirokchilari aniqlandi
Toshkent axborot texnologiyalari universiteti sport zalida havaskor jamoalar o‘rtasida ilk bor o‘tkazilayotgan “O’FF Prezidenti kubogi” musobaqasining saralash bosqichi yakunlandi. Qizg‘in va murosasiz bahslarga boy o‘yinlarda g‘alaba qozongan jamoalar musobaqaning final bosqichiga yo‘l oldi.
Saralash bosqichi doirasidagi sakkiz juftlikning teng yarmida kechgan murosasiz to‘qnashuvlar, ayniqsa muxlislarga manzur bo‘ldi, deyish mumkin. Xususan, bankchilar jamoalarining o‘zaro bellashuvi, shuningdek, “Istiqlol” – “Powerstone” va “Geolog” – “Bojxona qo‘mitasi” jamoalari o‘rtasidagi o‘yinlar o‘zining tomoshabopligi va yuqori saviyasi bilan alohida e’tirof etildi.
Endilikda, 8-noyabr kuni start oladigan final bosqichida qatnashadigan jamoalar aniq bo‘ldi.
Ular quyidagilar:
O‘zbekiston o‘smirlar terma jamoasi
BMB
“Dabro”
“Parma”
TATU
“Kamol Construction”
SQB
FC IMV
“Istiqlol”
“Bojxona qo‘mitasi”
Final bosqichi doirasida bellashuvlar yanada qizg‘in va murosasiz bo‘lishi kutilmoqda. Musobaqa havaskor futbol muxlislari uchun katta sport bayramiga aylanishi shubhasiz.
