Futzal. «Dinamo» Toshkentda peshqadam bilan durang qayd etdi
Futzal bo‘yicha Oliy liga 7-turi doirasida «Dinamo» futzal jamoasi Toshkentda turnir peshqadami «BMB» jamoasiga qarshi parketga tushdi.
Qiziqarli o‘tgan bahsda Dilshod Haydarqulov shogirdlari yulduzli tarkibga ega bo‘lgan «BMB» bilan tengma-teng kurashib, 4-daqiqadayoq Dalerjon Eshonqulovning ajoyib goli evaziga hisobni ochishdi – 1:0.
Peshqadam jamoa esa 16-daqiqada penaltidan hisobni tenglashtirdi – 1:1. Shiddatli kechgan bahsda ushbu hisob o‘yin oxirigacha o‘zgarmadi va «dinamochilar» Oliy liga peshqadami bilan durang qayd etishdi. Jamoamiz a’zosi Mehroj Xudoyberdiyev uchrashuvning eng yaxshi o‘yinchisi deb topildi.
Oliy liga. 7-tur, 3-kun
9 yanvar, juma
«BMB» – «Dinamo» – 1:1
Gollar:
0:1 — Daler Eshonqulov (4')
1:1 — Muzaffar Axadjonov (16'-p).
