Futbol. O‘FA rahbariyati Oʻzbekiston ayollar milliy terma jamoasi bilan uchrashdi
Jamoamiz 2026-yil mart oyida ayollar Osiyo kubogida ishtirok etadi. Oʻzbekiston futbol assotsiatsiyasi birinchi vitse-prezidenti Ravshan Irmatov Kotrina Kulbite boshchiligidagi jamoamiz bilan futbolchilarning ayni paytdagi holati va imkoniyatlari xususida suhbatlashdi. Tibbiy shtabga jamoa vakillarining sogʻligi, tiklanishi va vitaminizatsiyalash jarayoni, shuningdek, ularga yuqori darajadagi tibbiy yordam koʻrsatish amaliyotini davom ettirish koʻrsatmasi berildi.
Shuningdek, OFA rahbariyati ayollar milliy terma jamoasi oldida juda muhim vazifa turganini ta’kidlab, bu yoʻlda OʻFA tomonidan barcha sharoitlar taqdim etilishini maʼlum qildi.
Ayollar milliy terma jamoasi Osiyo kubogida munosib ishtirok etib, Jahon chempionati yo‘llanmasini qo‘lga kiritib tarixiy natija qayd etishingizga ishonamiz
Yakunda oldinda turgan muhim uchrashuvlarda jamoaga omad tilab, futbolchilar va murabbiylarga ishonch yuqori ekanligini qayd etishdi.
