Futbol agentlari APLda amalga oshirilgan eng zo'r transferni aniqlashdi
The Athletic nashri yozgi transfer oynasi davomida eng yaxshi transferlarni aniqlash uchun 20 nafar futbol agenti o'rtasida so'rovnoma o'tkazdi.
Birinchi o'rinni olti ovoz bilan PSJ darvozaboni Janluiji Donnarummaning "Manchester Siti"ga o'tishi egalladi.
Ikkinchi pog'onada uchta ovoz bilan "Manchester Siti"dan "Everton"ga ijaraga o'tgan Jek Grilish joy oldi.
Viktor Gyokereshning "Sporting"dan "Arsenal"ga o'tishi ikkita ovoz bilan uchinchi o'rinni band etdi.
Aleksandr Isak ("Nyukasl"dan "Liverpul"ga), Joao Pedro ("Brayton"dan "Chelsi"ga), Eberechi Eze ("Kristal Pelas"dan "Arsenal"ga), Xarvi Elliott ("Liverpul"dan "Aston Villa"ga), Martin Subimendi ("Real Sosyedad"dan "Arsenal"ga), Brian Mbemo ("Brentford"dan "Manchester Yunayted"ga), Kristian Moskera ("Valensiya"dan "Arsenal"ga), Jovanni Leoni ("Parma"dan "Liverpul"ga), Xavi Simons ("Leypzig"dan "Tottenxem"ga), Tidjani Reynders ("Milan"dan "Manchester Siti"ga) transferlari bittadan ovoz yig'di.
