Fransiya terma jamoasida ichki kelishmovchilik yuzaga keldi
JCh-2026 yarim finalida Ispaniyaga mag‘lub bo‘lgan Fransiya terma jamoasida ichki muhit taranglashgani aytilmoqda.
Fransiya OAVlari xabariga ko‘ra, jamoaning ayrim futbolchilari hujumchi Usmon Dembelening o‘yindan keyingi fikrlaridan norozi bo‘lgan. Dembele intervyusida mag‘lubiyat uchun asosiy sabab sifatida jamoaning hujumdagi samaradorligi yetarli bo‘lmaganini tilga olgan va bu fikr ayrim jamoadoshlari tomonidan tanqid sifatida qabul qilingan.
Ma'lumotlarga ko‘ra, futbolchilarning bir qismi bunday bayonotlar mag‘lubiyatdan keyin jamoa ichidagi birdamlikka putur yetkazishini hisoblamoqda. Ularning fikricha, bunday vaziyatlarda mas'uliyatni alohida yo‘nalishga yuklash emas, balki jamoa sifatida javobgarlikni bo‘lishish muhim.
Eslatib o‘tamiz, Fransiya yarim finalda Ispaniyaga 0:2 hisobida imkoniyatni boy berdi. Endi Didye Desham shogirdlari 19-iyul kuni Angliyaga qarshi uchinchi o‘rin uchun bahs olib boradi.
