Fransiya ketma-ket to‘rtinchi Jahon chempionatida chorak finalga chiqdi
Fransiya terma jamoasi JCh–2026 1/8 finalida Paragvayni 1:0 hisobida mag‘lub etib, musobaqaning chorak finaliga yo‘l oldi.
Shu tariqa, Didye Desham shogirdlari ketma-ket to‘rtinchi Jahon chempionatida kamida chorak finalgacha yetib borishga muvaffaq bo‘ldi. Fransuzlar 2014 yildan beri har bir mundialda pley-offning ushbu bosqichidan pastga tushgani yo‘q.
Bu davr mobaynida Fransiya:
2018 yil Rossiyada bo‘lib o‘tgan Jahon chempionatida bosh sovrinni qo‘lga kiritdi;
2022 yil Qatardagi mundialda finalgacha yetib borib, hal qiluvchi bahsda Argentinaga penaltilar seriyasida mag‘lub bo‘lib, kumush medallarga sazovor bo‘ldi.
Qayd etish joiz, 2026 yildagi Jahon chempionatida ilk bor kengaytirilgan pley-off tizimi qo‘llanilmoqda. Yangi formatga ko‘ra, musobaqaga 1/16 final bosqichi ham kiritildi. Fransiya ushbu bosqichda Shvetsiyani 3:0 hisobida yirik mag‘lubiyatga uchratgan edi.
Endi chorak finalda Didye Desham boshchiligidagi jamoa Kanadani 3:0 hisobida mag‘lub etgan Marokash terma jamoasiga qarshi bahs olib boradi.
