Fransiya chempionati. «Lion» 2-turda yirik hisobda g‘alaba qozonib, 1-o‘ringa ko‘tarildi
Фото: Getty Images
Fransiya chempionatining 2-turidan o‘rin olgan "Lion" – "Mets" uchrashuvida mezbonlar 3:0 hisobida g‘alaba qozondi. O‘yin Liondagi "Park OL" stadionida bo‘lib o‘tdi.
Uchrashuvda avval 25-daqiqada Malik Fofana hisobni ochdi. Oradan 5 daqiqa o‘tib, jamoa sardori Korenten Tolisso "to‘quvchilar"ning ikkinchi goliga mualliflik qildi. Bellashuv so‘ngida zaxiradan maydonga tushgan Adam Karabets hisobni yirik ko‘rinishga olib keldi.
Bu g‘alabadan so‘ng "Lion" 6 ochko bilan turnir jadvalida birinchi o‘ringa chiqib oldi. "Mets" esa 0 ochko bilan so‘nggi o‘rinda bormoqda.
Fransiya chempionati. 2-tur
"Lion" 3:0 "Mets"
Gollar: Fofana 25, Tolisso 30, Karabets 83.
Roziqjon Sultonmurodov
Jurnalist