Foden «Manchester Siti» bilan 2030 yilgacha shartnoma imzoladi
Manchester Siti' yarim himoyachisi Fil Foden klub bilan yangi to'rt yillik shartnoma imzoladi. Bu haqda 'shaharliklar' rasmiy sayti xabar berdi.
Yangi kelishuvga ko'ra, 26 yoshli futbolchi 2030 yilgacha 'Manchester Siti' sharafini himoya qiladi.
Klub bayonotida ta'kidlanishicha, bolaligidan 'Siti' muxlisi bo'lgan Foden to'qqiz yoshida klub akademiyasiga qo'shilgan va 2017 yilda Pep Gvardiola qo'l ostida asosiy jamoada debyut qilgan. Shundan buyon u klub tarixidagi eng sovrindor futbolchilardan biriga aylangan.
Foden 'Manchester Siti' safida jami 20 ta yirik sovrinni qo'lga kiritgan. 2026 yil may oyida Fil 'shaharliklar' safida Angliya Premyer-ligasida 100 ta samarali harakat (gol va assist) qayd etgan oltinchi futbolchiga aylandi. Shuningdek, u klubning 132 yillik tarixi davomida 100 ta gol urgan atigi 20 nafar futbolchidan biri hisoblanadi.
