Foden Chempionlar ligasida haftaning eng yaxshi futbolchisi deb topildi
«Man Siti» futbolchisi «Borussiya D»ga qarshi bahsda dubl qayd etdi.
FOTO: Getty Images
«Manchester Siti» hujumkor yarimhimoyachisi Fil Foden Chempionlar ligasida haftaning eng yaxshi futbolchisi deb topildi. Bu haqda turnir matbuot xizmati xabar bermoqda.
Angliyalik futbolchi guruh bosqichining 4-turida Dortmundning «Borussiya» jamoasiga qarshi oʻyinda dubl qayd etdi. Fodenning ikkita goli «shaharliklar»ga raqibni 4:1 hisobida magʻlub etishga yordam berdi.
Ovoz berish natijasiga koʻra, Foden «Galatasaroy» hujumchisi Viktor Osimhen, «Bryugge» vingeri Karlush Forbsh va «Arsenal» yarimhimoyachisi Mikel Merinoni ortda qoldirdi.
Maʼlumot uchun, Foden joriy mavsum Chempionlar ligasida 3 ta oʻyinda maydonga tushib, 2 ta golga mualliflik qildi.
Nasrullo Karimov
Jurnalist
