Foden APLda golli vaziyatlar yaratish boʻyicha yetakchilik qilmoqda
Joriy mavsum APLdagi barcha musobaqalarda eng ko‘p gol vaziyatlarini yaratgan futbolchi «Manchester Siti» yarim himoyachisi Fil Foden bo‘ldi — u 56 ta gol vaziyatini tashkil qilgan. Bu haqda Squawka xabar berdi.
Ikkinchi o‘rinda «Manchester Yunayted» yarimhimoyachisi Bruno Fernandesh turibdi — 52 ta vaziyat, uchinchi o‘rinni esa «Liverpul» o‘yinchisi Dominik Soboslay 52 ta golli vaziyat bilan egallagan.
«Liverpul» yarimhimoyachisi Florian Virts 50 ta vaziyat bilan to‘rtinchi o‘rinda. «Shaharliklar» yarimhimoyachisi Jeremi Doku va «Arsenal» hujumchisi Bukayo Saka esa 49 ta vaziyat bilan beshlikni yakunlab turibdi.
Hozirda «Arsenal» Angliya Premer-ligasi turnir jadvalida 20 o‘yindan so‘ng 48 ochko bilan birinchi o‘rinda bormoqda. Ikkinchi o‘rinda «Manchester Siti» — 42 ochko, uchlikni esa «Aston Villa» (42 ochko) yakunlab bergan.
