Flikning «Barselona» bilan qachon yangi shartnoma imzolashi ma’lum
“Barselona” bosh murabbiyi Hans-Diter Flik klub bilan yangi shartnoma muddati bo‘yicha kelishuvga erishdi, u 2028-yilgacha mo‘ljallangan va yana bir mavsumga uzaytirilishi mumkin. Nemis mutaxassisining amaldagi mehnat shartnomasi 2027-yil yozigacha amal qiladi. Bu haqda jurnalist Rojer Torello o‘zining X ijtimoiy tarmog‘idagi sahifasida xabar berdi.
Manba ma’lumotlariga ko‘ra, kelasi hafta Flikning agenti Pini Zaxavi so‘nggi tafsilotlarni kelishib olish maqsadida Barselonaga keladi. Ta’kidlanishicha, nemis mutaxassisi “Barselona” chempion bo‘lishi bilanoq yangi shartnomani imzolaydi.
Ispaniya chempionatining 33-turidan so‘ng “ko‘k-anorranglilar” 85 ochko jamg‘arib, birinchi o‘rinni egallab turibdi va ikkinchi o‘rindagi Madridning “Real” klubidan 11 ochkoga o‘zib ketgan. La Liga mavsumi yakunlanishiga beshta tur qoldi.
