Flik Torresning ketishi haqidagi mish-mishlarga munosabat bildirdi
“Barselona” bosh murabbiyi Xansi Flik jamoa hujumchisi Ferran Torresning klubni tark etishi mumkinligi haqidagi xabarlarga izoh berdi. Germaniyalik mutaxassisning ta’kidlashicha, u ispaniyalik futbolchini jamoaning muhim a’zosi deb hisoblaydi va uning kelajagi borasida xavotirga o‘rin yo‘q.
“Men Ferranni jamoamizning muhim futbolchilaridan biri deb bilaman. U bilan bog‘liq mish-mishlar meni qiziqtirmaydi. Men uning mashg‘ulotlardagi munosabatidan va maydondagi harakatlaridan juda mamnunman”, — dedi Flik.
Murabbiyning so‘zlariga ko‘ra, Ferran Torres “Barselona”da qolishni istaydi va klub ham futbolchini saqlab qolish tarafdori. Shu bilan birga, Flik transfer bozorida turli mish-mishlar doim paydo bo‘lishini, biroq ular jamoaning ichki rejalariga ta’sir qilmasligini ta’kidladi.
So‘nggi kunlarda Ferran Torres nomi bir qator Yevropa klublari bilan bog‘lanayotgan bo‘lsa-da, hozircha uning “Barselona”ni tark etishi bo‘yicha rasmiy qaror yoki kelishuv mavjud emas.
