Flik «Real»ga qarshi oltita oʻyindan beshtasi gʻalaba qozondi
«Barselona» bosh murabbiyi Hans-Diter Flik faoliyati davomida «Real»ga qarshi o‘tkazgan olti uchrashuvning beshtasida g‘alaba qozongan. Nemis mutaxassisi kataloniyaliklar boshqaruvini 2024 yilda qo‘lga olgan. Avvalroq Flik Myunxenning «Bavariya»si, «Xoffenxaym» klubi hamda Germaniya milliy terma jamoasida ishlagan.
11 yanvar kuni Ispaniya Superkubogi finalida «Barselona» va «Real» o‘rtasida bahs bo‘lib o‘tdi. Uchrashuv Saudiya Arabistonining Jidda shahrida joylashgan «King Abdulla Sports City» stadionida o‘tkazildi. Bellashuvni bosh hakam sifatida Xose Munuera Montero boshqardi. O‘yin 3:2 hisobida «ko‘k-anorranglilar» foydasiga yakunlandi.
Shu tariqa, «Barselona» klub tarixida 16-marta Ispaniya Superkubogini qo‘lga kiritdi. Eslatib o‘tamiz, o‘tgan mavsum finalida ham kataloniyaliklar «Real»ni 5:2 hisobida mag‘lub etgandi.
