Flik Rafinyaning tiklanish jarayoni haqida fikr bildirdi
«Barselona» bosh murabbiyi Hans-Diter Flik jamoa yarimhimoyachisi Rafinyaning tiklanishi haqida fikr bildirdi, bu 5-tur Chempionlar Ligasi guruh bosqichi «Chelsi»ga qarshi o‘yinga tayyorgarlik doirasida bo‘ldi.
Flik Football Espana nashriga shunday dedi:
«Tibbiy shtabimizga asabiylashmayapman. Bizda juda tajribali jamoa bor. Rafinya bilan bo‘lgan holatda xatolarimiz bo‘ldi. Lekin bu insoniy tabiat. Shuni ayta olaman. Ko‘p shov-shuv bo‘ldi, lekin aniq narsa yo‘q. Mening uchun eng muhimi — uning maydonga qaytishi.
O‘ynash daqiqalari va qancha o‘ynashi masalasini keyin hal qilamiz. U ikki marta jarohat oldi, va bunday bosqichda bu yaxshi emas, biz unga ehtiyotkorlik bilan yondashamiz. Uning qaytganiga juda xursandman. Shanba kuni u faqat bir necha daqiqa o‘ynadi, lekin farqni ko‘rdik. U to‘p bilan ham, to‘psiz ham bizga maydon yaratadi. Uni yana ko‘rish juda yoqimli».
Eslatib oʻtamiz, avvalroq «Barselona» futbolchilari tiklanish rejalaridan tobora norozi bo‘lib, bu nafaqat jarohatlar inqiroziga, balki jamoaning natijalarining pasayishiga ham ta’sir qilayotgani haqida xabar berilgandi.
