Flik: «La Ligada juda yaxshi hakamlar bor, lekin...»

«Barselona» bosh murabbiyi Hans-Diter Flik La Liganing 20-turidan oʻrin olgan «Real Sosedad»ga qarshi bahsdagi hakam Xesus Hilya Mansanoning qarorlaridan norozi boʻldi.

Uchrashuv katalonlarning 1:2 hisobidagi mag‘lubiyati bilan yakunlandi. E’tiborlisi, hakam VAR orqali «Barselona»ning bir nechta golini bekor qilgan edi.

«Men La Liga hakamlari haqida doimo yaxshi fikr bildiraman, bizda juda yaxshi hakamlar bor. Lekin shu bir kishi… Hamma biladi, u qanday… Frenki aytdi, hakam kibrlik qildi, va u haqiqatdan ham shunday bo‘ldi. Barchamiz ko‘rdik, u o‘sha kechada nima qilganini», — dedi Flik.

«Barselona» 20 o‘yindan so‘ng 49 ochko to‘plab, La Liga jadvalida yetakchilik qilmoqda. «Real Sosedad» esa 24 ochko bilan 9-o‘rinda turibdi.

Nasrullo Karimov

Jurnalist