Flik «Barselona» bilan shartnomasini uzaytirdi — manba

“Barselona” bosh murabbiyi Hansi-Diter Flik Kataloniya klubi bilan amaldagi shartnomasini 2028-yilgacha uzaytirishga qaror qildi. Bu haqda Sport.es nashri xabar bermoqda.

Ma'lum qilinishicha, germaniyalik mutaxassis klub bilan kelishuvga erishgan, biroq rasmiy e'lonni prezidentlik saylovlari yakunlanguniga qadar kechiktirishni afzal ko‘rgan.

Flikning asosiy maqsadi — o‘zi tarbiyalayotgan yosh avlod bilan birgalikda Chempionlar Ligasi g‘olibi bo‘lish.

Eslatib o‘tamiz, ayni damda “Barselona” Ispaniya chempionatida peshqadamlik qilmoqda. 28-turdan so‘ng kataloniyaliklar 70 ochko jamg‘argan holda, Madridning “Real” klubini 4 ochkoga ortda qoldirmoqda.

Roziqjon Sultonmurodov

Jurnalist