Firminoning yangi klubi nomi ma'lum bo‘ldi
Photo: Getty Images
Saudiya Arabistonining "Al-Ahli" klubi braziliyalik hujumchisi Roberto Firmino faoliyatini Qatarda davom ettiradi. Bu haqda nufuzli insayder Fabrizio Romano xabar bermoqda.
Manbaga ko‘ra, 33 yoshli futbolchi "As-Sadd"ga o‘tmoqda. Hujumchi Osiyo Chempionlar Ligasidagi g‘alabadan so‘ng "Al-Ahli"ni tark etishga qaror qilgan va Qatar klubi bilan shartnoma imzolagan.
Firmino 2023 yildan buyon "Al-Ahli" sharafini himoya qilib kelayotgan edi. Bu vaqt ichida hujumchi barcha turnirlarda 65 ta o‘yinda maydonga tushib, 21 ta gol urdi va 17 ta golli uzatmani o‘z hisobiga yozdirib qo‘ydi.
Bahrom Bobonov
Redaktor