Firmino: «Men «Real»dan tushgan ikki taklifni rad etganman»
Avval «Hoffenxaym» va «Liverpul» klublari safida to‘p surgan, hozirda esa Qatarning «Al Sadd» jamoasida faoliyat olib borayotgan hujumchi Roberto Firmino Madridning «Real» klubiga ikki bor o‘tishdan bosh tortganini ma’lum qildi.
«Men ikki marta «Real»dan tushgan taklifni rad etganman. «Liverpul»ga o‘tishimdan oldin va Saudiya Arabistoniga yo‘l olishimdan sal avval», — dedi Firmino.
Roberto Firmino 2015–2023 yillar oralig‘ida «Liverpul» safida harakat qilgan. Mersisayd klubi bilan birga braziliyalik futbolchi Angliya Premyer-ligasi, ichki kuboklar, Yevropa Chempionlar Ligasi hamda klublar o‘rtasidagi Jahon chempionatida g‘alaba qozongan.
2023 yilda Firmino Saudiya Arabistonining «Al Ahli» klubiga qo‘shilgan va u yerda ikki mavsum davomida to‘p surgan.
