Finalissima: Ispaniya — Argentina to‘qnashuvi qachon bo‘lib o‘tishi ma’lum bo‘ldi
Finalissima - 2026 musobaqasi mart oyida bo‘lib o‘tadi.
ФОТО: Getty images
Ispaniya qirollik futbol federatsiyasi (RFEF) rahbari Rafael Luzanbning ma’lum qilishicha, Ispaniya va Argentina terma jamoalari to‘qnash keladigan Finalissima - 2026 musobaqasi mart oyida bo‘lib o‘tadi.
"Finalissima deb nomlangan bu orzu mart oyida amalga oshadi. Biz masalani UEFA bilan kelishishga yaqinmiz va rasmiy tasdiqni kutmoqdamiz," — deya Luzanbning so‘zlarini keltiradi El Chiringuito ijtimoiy tarmog‘idagi sahifasi.
Finalissima — so‘nggi Yevropa chempionati va Amerika kubogi g‘oliblari to‘qnash keladigan bir o‘yindan iborat turnir.
Kubokning amaldagi va yagona g‘olibi Argentina terma jamoasi hisoblanadi — 2022 yilda Lionel Skaloni jamoasi Italiyani mag‘lub etgan (3:0).
Roziqjon Sultonmurodov
Jurnalist