Finalga marhabo! O'zbekiston U17 Shimoliy Koreyani yirik hisobda mag'lub qildi
Saudiya Arabistoni davlatida 17 yoshli futbolchilar o'rtasida Osiyo chempiontining hal qiluvchi bahslari bo'lib o'tmoqda.
Yarim final doirasida O'zbekiston U17 terma jamoasi Shimoliy Koreya U17 terma jamoasi bilan kuch sinashdi. 31 daqiqada Sadriddin Hasanov hisobni ochdi. 41-daqiqada koreyslar futbolchisi Kang Myong Bom maydondan chetlatildi. Belgilangan penaltidan esa terma jamoamiz vakili foydalana olmadi. Jamshidbek Rustamov 62 daqiqada hisobdagi farqni ikkitaga yetkazdi. Oradan 3 daqiqa o'tib esa Abubakir Shukurullayev ham o'z hisobiga gol yozdirib qo'yib, terma jamoamizning yirik hisobda g'alabasini ta'minladi.
Ushbu yirik g'alabadan keyin hamyurtlarimiz final yo'llanmasini qo'lga kiritdi.
Oʻzbekiston 3:0 KXDR
Gollar: Sadriddin Hasanov 31’, Jamshidbek Rustamov 62’, Abubakir Shukurullayev 65’
