Filipe Luis «Bayer» bosh murabbiyiga aylanishga yaqin turibdi
Braziliyalik mutaxassis Filipe Luis Leverkuzenning «Bayer» klubi bosh murabbiyliga aylanishga juda yaqin. Bu haqda taniqli jurnalist va insayder Florian Plettenberg ijtimoiy tarmoqlardagi sahifasida xabar bermoqda.
Manbaning maʼlumotlariga koʻra, Bundesliga vakili yangi bosh murabbiy qidirmoqda va 40 yoshli mutaxassis ushbu lavozimga asosiy nomzod sifatida koʻrib chiqilmoqda. Klub rahbariyatida yana bir nechta muqobil nomzodlar bor boʻlsa-da, aynan Filipe Luis jamoaning bosh maqsadidir.
Tomonlar oʻrtasidagi muzokaralar allaqachon boshlangan. Yakuniy kelishuvga erishilishi bilan «Bayer» amaldagi bosh murabbiy Kasper Yulmanning isteʼfoga chiqarilganini rasman eʼlon qiladi.
Filipe Luisning soʻnggi ish joyi Braziliyaning «Flamengo» klubi boʻlib, u yerda 2024 yildan 2026 yilgacha faoliyat yuritdi va jamoa bilan birgalikda Libertadores kubogi gʻolibligini qoʻlga kiritdi.
