FIFA murabbiylarga madhiya paytida maydon bo‘ylab harakatlanishga ruxsat berdi
Xalqaro futbol federatsiyasi (FIFA) terma jamoalar murabbiylar shtabiga milliy madhiyalar ijro etilayotgan vaqtda maydonning yon chizig‘i bo‘ylab harakatlanishga ruxsat berdi. Bu haqda The Times nashri xabar tarqatdi.
Kiritilgan yangi qoidaga ko‘ra, endilikda murabbiylar shtabi vakillari fotomuxbirlar tomonidan futbolchilar ko‘rinishi to‘sib qo‘yilmasligi uchun ularning chap yoki o‘ng tomonida turish huquqiga ega bo‘ladilar. Bu chora murabbiylarning o‘z futbolchilarini to‘liq ko‘rib turishlarini ta’minlash maqsadida qabul qilindi.
Mazkur qaror qabul qilinishiga Angliya terma jamoasi bosh murabbiyi Tomas Tuxelning JCh-2026 guruh bosqichi doirasidagi Xorvatiyaga qarshi uchrashuvdan (4:2) keyingi bayonoti sabab bo‘ldi. Germaniyalik mutaxassis o‘yinoldi marosimida madhiya yangrayotgan mahalda «50 nafar fotomuxbirdan iborat devor» tufayli o‘z shogirdlarini ko‘ra olmaganini va bu holat tarixiy lahzaga biroz soya solganini ta’kidlagan edi.
