Felish sobiq jamoasiga qaytishi mumkin
Photo: Getty Images
“Benfika” klubi o'z tarbiyalanuvchisi Joau Felish bilan shartnoma imzolashga umid qilmoqda. Bu haqda Record xabar bermoqda.
Ta'kidlanishicha, portugaliyaliklar yozda sobiq futbolchisini ortga qaytarishga urinib ko'radi. Hozirda u “Milan” safida ijarada o'ynamoqda. Huquqiy tomondan “Chelsi” a'zosi hisoblanadi.
“Benfika” klublar o'rtasidagi jahon chempionati oldidan Felishni o'z safiga qo'shib olishni maqsad qilgan.
Eslatib o'tamiz, Joau Felish 2019 yilda “Benfika”dan “Atletiko” safiga 130 million yevro evaziga ko'chib o'tgan. Joriy mavsumda 25 yoshli vinger 33 o'yinda maydonga tushib, 8 ta gol urdi (shundan bittasi “Milan” safida) va 3 assistni o'z hisobiga yozib qo'ygan.
Roziqjon Sultonmurodov
Jurnalist