Felish “Flamengo”ga o‘tishi mumkin – manba

Futbol 05 may 2025 da 13:28

Roziqjon Sultonmurodov

Jurnalist

“Milan” hujumchisi Joau Felish yozda Braziliyaning "Flamengo" klubiga o‘tishi mumkin. Bu haqda "Sky Sports" nashri ma'lum qildi.

Manbada aytilishicha, Braziliya klubi yarim himoyachini KO‘JCHga tayyorgarlik ko‘rish uchun o‘z safiga qo‘shib olmoqchi. Musobaqa 15 iyundan 13 iyulgacha AQShda o‘tkaziladi.

Klub Felish orqali tarkibni kuchaytirmoqchi. "Chelsi"ga tegishli portugaliyalik futbolchi klubning asosiy maqsadlaridan biri hisoblanadi.

Futbolchining “Milan” bilan kelishuvi yakuniga yetmoqda. Milan klubi kelishuvni uzaytirishni rejalashtirmayapti.

Futbolchi “Flamengo”ga o‘tadigan bo‘lsa, 20 iyun kuni "Flamengo"ning KO‘JCH doirasida o‘tkaziladigan ikkinchi o‘yinida "Chelsi"ga qarshi maydonga tushishi mumkin.

Aloqador jamoalar va ligalar

AC Milan