Favoritlarsiz shakllangan to‘rtlik. D guruhi haqida gaplashamiz
Jahon chempionati ishtirokchilarini tanishtirishda davom etamiz. Bugun D guruhi haqida gaplashamiz. Bu yerda mezbon AQSh, Paragvay, Turkiya va Avstraliya joy olgan.
AQSh
Murabbiy
Mauricio Pochetinno uzoq yillar davomida klub futbolida o‘z nomini shakllantirib, nihoyat nufuzli va talabgir mutaxassisga aylandi. Uning “Tottenxem” bilan amalga oshirgan loyihasi — Chempionlar ligasi finaligacha yetib borishi, shuningdek “PSJ” va “Chelsi” kabi grand klublardagi faoliyati uni yanada yuqori pog‘onaga olib chiqdi.
2024 yilda AQSh federatsiyasi Pochetinnoni jalb qilish uchun jiddiy harakat qildi va unga yiliga taxminan 6 million yevro maosh taklif etdi. Natijada u JCH–2026 doirasida eng yuqori maosh oluvchi murabbiylar orasida uchinchi o‘rinni egalladi.
Yulduz
Amerikalik muxlislar uchun tengsiz sevimli futbolchi — Kristian Pulishich. U yoshlikdan milliy futbolning asosiy umidi sifatida ko‘rilgan va vatanidan katta mehr qozongan.
Pulishich to‘rt marta AQShning eng yaxshi futbolchisi deb topilgan bo‘lib, bu rekordni Landon Donovan bilan bo‘lishadi. 27 yoshli vinger hozirda 32 gol bilan terma jamoa tarixidagi eng yaxshi to‘purarlar safidan joy olish arafasida, shuningdek o‘yinlar soni bo‘yicha ham yetakchilar qatoriga kirib bormoqda.
Maqsad
AQSh 1994 yilda ham jahon chempionatiga mezbonlik qilgan. O‘shanda jamoa guruhda uchinchi o‘rinni egallab, pley-offga chiqqan va u yerda Braziliyaga mag‘lub bo‘lgan.
Bu safar esa bunday natija qoniqarli deb baholanmaydi. Jamoa guruhdan yuqoriroq o‘rin bilan chiqib, 1/16 finalda qulay raqibga duch kelishi va keyingi bosqichga yo‘l olishi lozim. Chorak finaldan yuqori natija hozircha real ko‘rinmaydi.
Chempionlik ehtimoli (Opta): 1,30%
Paragvay
Murabbiy
Gustavo Alfaro — Pochetinno kabi argentinalik, biroq Yevropada unchalik mashhur emas. U 27 yil davomida mahalliy klublar bilan ishlagan, keyin terma jamoalarga o‘tgan.
2022 yilda u Ekvadomi mundialga olib chiqqan, ammo 4 ochko pley-off uchun yetarli bo‘lmagan. Keyin Kosta-Rikada qisqa faoliyat yuritib, Paragvayni qabul qildi va uni 16 yillik tanaffusdan so‘ng jahon chempionatiga olib chiqdi.
Yulduz
Jamoaning asosiy figarasi — Migel Almiron. Shuningdek, yosh iste’dod Xulio Ensiso ham katta umid uyg‘otmoqda.
Maqsad
Paragvay uchun eng maqbul natija — 1/8 finalga chiqish. Ehtimol, ular sensatsiya ham qayd etishi mumkin. Buni mundial vaqtida bilib olamiz.
Chempionlik ehtimoli (Opta): 0,52%
Avstraliya
Murabbiy
Toni Popovich — Avstraliya futbolida tanilgan shaxs. U jamoani saralash bosqichidan ishonchli tarzda olib o‘tdi. “Kengurular”da muvaffaqiyatli ishlamoqda.
Yulduz
Jamoada superyulduz yo‘q, ammo asosiy figara — tajribali darvozabon Mattiu Ryan. U yillar davomida Yevropa top ligalarida o‘ynab, katta tajribaga ega bo‘lgan.
Maqsad
Bu guruhdan chiqish yoki chiqmasligi ham noma’lum. Avstraliyaning asosiy maqsadi guruhni muvaffaqiyatli tugatish va keyingi bosqichga chiqish hisoblanadi.
Chempionlik ehtimoli (Opta): 0,36%
Turkiya
Murabbiy
Vinchenzo Montella Turkiyani uzoq tanaffusdan so‘ng yana jahon chempionatiga olib chiqdi. U futbolchilik faoliyatida ham mundialda ishtirok etgan. Italiyalik mutaxassis mamlakat futbolini o‘zgartira oldi.
Yulduzlar
Jamoaning asosiy yulduzi — Arda Gyuler. Shuningdek, Kenan Yildiz va Hakan Chalhono‘g‘lu ham muhim rol o‘ynamoqda.
Maqsad
Turkiyadan pley-offda jiddiy natija kutish mumkin. Chorak finalgacha yetib borish real vazifa hisoblanadi.
Chempionlik ehtimoli (Opta): 0,96%
